لا تفكر اريد استعطفك كوه ولك موبيدي غرام الروح صدكني العشك بلوه
تدري هالنجوم اتطيح لو راد الكمر يضوه وتدري الماي لوبرد سواجي العشك
من كيفها تخضر و تروة
صدكني احبه واطلبت منه ادك العمر وسنينه شضر ومحابس وحنه
وانيشنهن باصابيع عيني الحلوه لا تفكراريد استعطفك كوه
اكضي الليل افكر و انتظر و اسهر وامر باحلام غارك و الكلب سافر
شايل جلمة انحبكم جريب الباب يوكف خايف و يعثر
و انت الساكت و صمتك يعذبني و من بعيد حبك بالكلب خضر
شسوي الروح ما تحمل طريه لسان ما يصبر
تفوت و جفن ما ينسه على درب المدرسه اتبسمر
يتمنى قلم يصير و تحطه وسط دفتر
يروح وياك للقاعه يعلمك على الشكر يسمر
يذكرك بيه يا حبيب يكلك فلان ما يكدر
اغار اعليك من نمسه ربيع المدينه اهوال جوري و يذبل بهل الحر
واغار اعليك من شعرك حسافه يخدشه المرمر
غزال و لو مشه الوادم تريد اتصيده من يعثر
شسوي للروح مو بيدي تتمنى تصير بدربك انه اكثر
تعدل كل درب تمشيه اخاف بيه احفر و انكر
ضرعت الشارع اليمكم قصيدة و حفنة مكابر
والوم الروح مو هيج العشك
يا روح كل ساعه تجي و تروح هم شر امي ود اختر
مو هيج العشك يا روح كل ساعه ترد و تروح
هم جسر المدينه اختاض ابو الشختوره اتعذر
ابو الدكان البصفكم عرفني بلا شغل افتر
عمود الكهرباء الضاوي من كد انتظاري الطال ابهفه مال واترندح اتكنطر
حرام اطول هل السكته وحرام الشعر يتبعثر
لو بس التفاتة خدج الكمر الكه ارويحتي التاهت واعيش سنين بالذكره
واكل لكليبي المحضوض تدري بالكلب محسود انت الكيتيلك لكوه
شوف الوادم ايد بايد وانت على البعد تهوه
كل هذا الركاب الراح لو ملتفت هم اشوه
الك رب اليعينك دوم مو سكته تظل للدوم كلشي ماكو مروه
لابد للدرب ما يصيح عينو ها الولد لا يصيح عاشك فلانه الحلوه
كل هذا الحجي السمعو لا تظل طالب الرجوه
موبيدي شسوي الروح بيها الطبع مبروح
كل ما شافت العشاك حست بالكلب مشتاك و محمل شعر توه
لا يكدر يظم الصوت و محد يسمع الشكوه
و ضل مطول السكته ياحد الك اخذ عمري و اسنينه اقبل
يس؟لاتفكر اريد استعطفك كوه ...
و لك تدري مو بيدي غرام الروح صدكني العشك بلوه